Dr. OG

ကွဲး|သးဝံၣ် - အဲၣ်လါ

ထုးထီၣ်ရၤလီၤဖဲ - လါဃိး ၁သီ, ၂ဝ၂၁

Verse

တယနီၢ်မ့ၢ်ဒိၣ်ထီၣ်ယမ့ၢ်ဖျိထီၣ်ကၠိ

ယကကဲယဲကသံၣ်သရၣ်

ယကကဲဖိနၢ်လိၤလၢယကလုၢ်အီၣ်ယမိယပါ

ယကပှ့ၤန့ၢ်ယမိဟံၣ်ယကပှ့ၤန့ၢ်ယမိကါ

တၢ်လၢယမိၢ်အလိၣ်ဘၣ်ယကမၤလၢပှဲၤန့ၢ်အီၤ

ဖဲလၢယကဲဖိသၣ်ခါတၢ်မံမီၢ်

Verse

တုၤလၢယနီၢ်ဒိၣ်အဲၣ်လါယီၢ်က့ၤကျဲလၢအကဒါ

ဃုာ်ဒီးသမုာ်သကိးလူၤဘၣ်ယသးဟးဂီၤတၢ်ခံးကျါ

လုၢ်အီၣ်အမိၢ်ပၢ်န့ၣ်တဲတဂ့ၤက့ၤဃုၣ်ပၠၣ်လၢာ်မိၢ်အစ့

မၤဖှီၣ်ပၠၣ်မိအသးအဃိမိဃ့ထုကဖၣ်ကိးမုၢ်နၤ

 ခိရၢၢ်

ပၢ်ယွၤဧၢယဖိအံၤဟ့ၣ်လီၤယဲဒီးနၤ

မ်သးစီဆှံထိးဘၣ်ဝဲအသး

ဆီတလဲကွံာ်အီၤဟ့ၣ်က့ၤတၢ်အိၣ်မူအသီ

လၢနဖိခွါယ့ၣ်ရှူးခရံာ်မံၤဃိယဃ့နၤ

ပၢ်ယွၤဧၢခဲအံၤယပှီၢ်ယၢ်လီၤက့ၤယသး

တၢ်လၢတဂ့ၤလၢခံယတမၤလၢာ်ဘၣ်

ကမၤမုာ်က့ၤမိၢ်သးပှဲၤဝဲဒီးတၢ်ပှီၢ်ယၢ်

ဟဲက့ၤအိၣ်က့ၤလၢနကပၤဧါ...

ရူးထါ

လၢယနီၢ်ဆံးခါပလဲၤလၢကီၤလၤကျါ

ခီၣ်ဖံးကဆီဖိနပှ့ၤန့ၢ်ယၤတန့ၢ်ဘၣ်

ဖိတသ့ၣ်ညါမိကၠ့အိၣ်ဧါတအိၣ်ဧါ

သနါက့မိမၤလၢပှဲၤန့ၢ်ဖိအတၢ်လိၣ်ဘၣ်

ခဲအံၤဆၢကတီၢ်ဘၣ်လံလၢယဘၣ်က့ၤဆူဟံၣ်

မၤက့ၤယနၢ်ဒီးက့ၤအိၣ်က့ၤမိပၢ်ခီၣ်ထံး

ခီဖျိယမိၢ်ဃ့ထုကဖၣ်ကိးမုၢ်နၢ်

 ခိရၢၢ်

ပၢ်ယွၤဧၢယဖိအံၤဟ့ၣ်လီၤယဲဒီးနၤ

မ်သးစီဆှံထိးဘၣ်ဝဲအသး

ဆီတလဲကွံာ်အီၤဟ့ၣ်က့ၤတၢ်အိၣ်မူအသီ

လၢနဖိခွါယ့ၣ်ရှူးခရံာ်မံၤဃိယဃ့နၤ

ပၢ်ယွၤဧၢခဲအံၤယပှီၢ်ယၢ်လီၤက့ၤယသး

တၢ်လၢတဂ့ၤလၢခံယတမၤလၢာ်ဘၣ်

ကမၤမုာ်က့ၤမိၢ်သးပှဲၤဝဲဒီးတၢ်ပှီၢ်ယၢ်

ဟဲက့ၤအိၣ်က့ၤလၢနကပၤဧါ...